ރިޔާސީ ބަޔާން: ހުރަސް އަޅަން ފެށުމާއެކު ދެ މެންބަރެއްގެ ނަން އިއްވައިފި

މި އަހަރަށް ރައީސް ޑރ. މުޙައްމަދު މުޢިއްޒު އިއްވާ ރިޔާސީ ބަޔާނަށް ހުރަސް އެޅުމުގެ މަސައްކަތް އިދިކޮޅު މައި ޕާޓީ، އެމްޑީޕީން ފަށައިފިއެވެ.

ރައްޔިތުންގެ މަޖިލިސްކުރާ ގޭގައި މިހާރު ރައީސް އިއްވަމުންދާ ރިޔާސީ ބަޔާނަށް ހުރަސް އެޅުމުގެ ގޮތުން އިދިކޮޅު އެމްޑީޕީގެ ބައެއް މެންބަރުން ގެންދަވަނީ ކަށިގަނޑު ފުމެ، އެކު ޝުއޫރުތައް ފާޅުކުރަމުންނެވެ.

އެއާއެކު މަޖިލީހުގެ ރިޔާސަތުން ތަކުރާރުކޮށް ނަސޭހަތް ދިނުމަށްފަހު، ގަލޮޅު ދެކުނު ދާއިރާގެ އެމްޑީޕީ މެންބަރު މީކާއިލް އަޙްމަދު ނަސީމް އަދި ވައިކަރަދޫ ދާއިރާގެ މެންބަރު ހުސައިން ޒިޔާދުގެ ނަން އިއްވައި، ތަޅުމުން ވަނީ ނެރެފައެވެ.