ރޭ ކުރިއަށް ގެންދިޔަ ރެއިޑެއްގައި 14 ބިދޭސީއަކު ހައްޔަރުކޮށްފި
ޢާއިޝަތު ޢަލްޔާ ޢާރިފް
އިމިގްރޭޝަންސް އިން ރޭ ފާސްކުރި އެކޮމޮޑޭޝަން ބްލޮކް -- ފޮޓޯ: އިމިގްރޭޝަން
SHARE
އިމިގްރޭޝަން ގެ ޓާސްކުފޯހުން ރޭ ކުރިއަށްގެންދިޔަ ރެއިޑު އޮޕަރޭޝަންއެއްގައި ވަނީ ގަވާއިދާ ހިލާފަށް އުޅޭ 14 ބިދޭސީން އެ އިދާރާގެ ބެލުމުގެ ދަށަށް ގެންގޮސްފިއެވެ.
އިމިގްރޭޝަންސް އިން ބުނާ ގޮތުގައި މި ރެއިޑުން ވަނީ ހުޅުމާލޭގައި، އާންމު ސިއްހަތަށް ގެއްލުން ވާގޮތަށް ހުރި ދެ އެކޮމޮޑޭޝަން ބްލޮކެއް ބަލާ ފާސްކޮށްފައެވެ. މި މަސައްކަތުގައި ފުރަތަމަ އެކޮމޮޑޭޝަން ބްލޮކުން ވަނީ ގަވާއިދާ ހިލާފަށް އުޅެމުންދިޔަ ނުވަ ބިދޭސީން އިމިގްރޭޝަންގެ ބެލުމުގެ ދަށަށް ގެންގޮސްފައެވެ. އަދި ދެވަނަ އެކޮމޮޑޭޝަން ބްލޮކުން ބިދޭސީ ތިން އަންހެނުންނާއި ދެ ފިރިހެނުން ވަނީ ބެލުމުގެ ދަށަށް ގެންގޮސްފައެވެ.
އިމިގްރޭޝަނުން މާލޭގައި ކުރިން ހިންގި އޮޕަރޭޝަންތަކުގައި ގިނަ އަދަދެއްގެ ބިދޭސީން ހިފަހައްޓައި، އެތައް ހާސް ބަޔަކު ވަނީ ޑިޕޯޓްކޮށްފައެވެ. އަދި މިހާރު މި އޮޕަރޭޝަންތައް ރަށްރަށަށް ފުޅާކުރުމާއެކު، އިތުރު ރަށްރަށުގައިވެސް މިފަދަ އޮޕަރޭޝަންތައް ކުރިއަށް ގެންދާނެ ކަމަށް އިމިގްރޭޝަނުން މައުލޫމާތު ދެއެވެ.
.jpg&w=3840&q=75)
