ހިޔާ ޕާކްގައި ތޫނުއެއްޗަކުން ހަމަލާދިން ބިދޭސީއަކަށް ފަރުވާދެނީ

ހުޅުމާލެ ދެވަނަ ފިޔަވަހީގެ ހިޔާ ޕާކް ސަރަހައްދުގައި ބިދޭސީއަކަށް ތޫނު އެއްޗަކުން ހަމަލާދީ މިރޭ ޒަޚަމްކޮށްލައިފިއެވެ.

ފުލުހުންގެ މީޑިއާ އޮފިޝަލް ވިދާޅުވީ ހުޅުމާލޭ ދެވަނަ ފިޔަވަހީގައި ބިދޭސީއަކަށް ހަމަލާދީގެން ހުޅުމާލެ ހޮސްޕިޓަލުގައި ފަރުވާ ދެމުން އަންނަ ކަމަށެވެ.

އޭނާއަށް ލިބުނު ޒަޚަމްތަކުގެ ތަފްސީލް އަދި ނުލިބެއެވެ.

މަންޒަރު ދުށް ބައެއް މީހުން ކިޔައިދިންގޮތުގައި ހަމަލާދިން ސަރަހައްދުގެ ބިންމަތީގައި ލޭ ވެސް ހުއްޓެވެ. އެ މީހާ ހޮސްޕިޓަލަށް ގެންދިޔައީ ސްޓެރަޗުގައި ފުލުހުން ކަމަށް ވެސް މަންޒަރު ދުށް މީހަކު ކިޔައިދިނެވެ.

ފުލުހުންގެ މީޑިއާ އޮފިޝަލް ވިދާޅުވީ ތަހުގީގު ކުރިއަށްދާތީ އިތުރު ތަފްސީލް ދެވެން ނެތް ކަމަށެވެ.