އިސްލާމިކް މިނިސްޓްރީން ކުރިއަށް ގެންދާ "މީޑިއާ މައުރަޒު" މާދަމާ ފަށާނެ ކަމަށް އެ ވުޒާރާއިން ބުނެފިއެވެ.

އިސްލާމިކް މިނިސްޓްރީގެ އިސްލާމިކް ސްޓޫޑިއޯއިން ވުޒާރާގެ ހުރިހާ ސެކްޝަންތަކަކާ ގުޅީގެން ކުރިއަށް ގެންދާ މި މައުރަޒުގެ މައިގަނޑު މަގުސަދަކީ އެ ވުޒާރާއިން ހާސިލްކުރެވުނު ކާމިޔާބީތަކާއި، ކުރެވުނު މުހިންމު މަސައްކަތްތަކާއި، މިނިސްޓްރީގެ ވަކިވަކި ސެކްޝަންތަކުން ކުރަމުންދާ މަސައްކަތްތަކުގެ މައުލޫމާތު މީޑިއާތަކާއި އާއްމުންނަށް ފޯރުކޮށްދިނުންކަމަށް ކަމަށް އެ މިނިސްޓްރީން ބުނެއެވެ.

މީގެ އިތުރުން, މި މައުރަޒުގައި އެކިއެކި ސެކްޝަންތަކުގެ ވެރިންނާ ސުވާލުކޮށް އެ ސެކްޝަންތައް ކުރިއަށް ގެންދާ ގޮތުގެ މައުލޫމާތު ހޯދުމުގެ ފުރުސަތު އޮންނާނެކަމަށް އެ މިނިސްޓްރީން ވަނީ އަންގާފައެވެ. މި މައުރަޒު ފެށުމަށް ހަމަޖެހިފައިވަނީ މާދަމާ ހަވީރު ހަތަރެއް ޖަހާއިރު އިސްލާމީ މަރުކަޒުގެ ޖަލްސާ މަާލަމުގައި ކަމަށް ވެސް ބުނެއެވެ.

މި މައުރަޒު އޮންނާނީ ދެ ދުވަހުގެ މުއްދަތަކަށެވެ.