ރާއްޖޭގެ ހުރިހާ ރަށެއްގައި މާދަމާރޭ ކޭތަ ނަމާދު ކުރާނެ ކަމަށް އިސްލާމިކް މިނިސްޓްރީ އިން ބުނެފިއެވެ.

އިސްލާމިކް މިނިސްޓްރީން ހުރިހާ ރަށެއްގައި ކޭތަ ނަމާދު ކުރަން އަންގައިފައިވާއިރު, މާދަމާ ރޭ ކޭތަ ހިފަން ފަށާނީ 8:28 ގައެވެެ.

"7 ސެޕްޓެމްބަރ ވާ އާދިއްތަ ދުވަހުގެ ރޭ 8:28 އިން 1:55 އަށް ހަނދުކޭތައެއް ހިފާނެއެވެ. ރާއްޖޭގައި މީހުން ދިރިއުޅޭ ހުރިހާ ރަށެއްގައި، އެ ރަށެއްގައި ހުންނަ އެންމެ ބޮޑު މިސްކިތުގައި މާދަމާރޭ 11:12 ގައި ކޭތަ ނަމާދުކުރާ ގޮތަށް ވަނީ ހަމަޖެހިފަ" އިސްލާމީކް މިނިސްޓްރީން ބުނެފައިވެއެެވެ.

މިނިސްޓްރީން ބުނީ ކޭތަ އެންމެ ބޮޑަށް ހިފާފައި ހުންނާނީ 23:11 ގައި ކަމަށެވެ. މާލޭގައި ކޭތަ ނަމާދު ކުރަން ހަމަޖެހިފައިވަނީ އިސްލާމީ މަރުކަޒުގައެވެ. އަދި ހުޅުމާލޭގައި ނަމާދު ކުރުމަށް ހަމަޖެހިފައިވަނީ މަސްޖިދުއް ޝައިހް ގާސިމް ބިން އަލްސާނީ މިސްކިތުގައެވެ.