އިހަވަންދޫ ދާއިރާގެ ކުރީގެ މަޖިލިސް މެންބަރު މުހައްމަދު އަބްދުالله (މުހައްމާ) އަށް ހާޓް އެޓޭކެއް ޖެހިގެން ފަރުވާދޭން ފަަށައިފިއެވެ.

މުހައްމާގެ ގާތް މީހަކު "ނުކުތާ"އަށް މައުލޫމާތު ދިން ގޮތުގައި މުހައްމާއަށް ހާޓް އެޓޭކެއް ޖެހިގެން މިހާރު އައިޖީއެމްއެޗްގައި ދަނީ ފަރުވާދެމުންނެވެ. އޭނާގެ ސިކުނޑިން ހިތަށް ލޭ ފޮނުވައިދޭ ނާރު ބްލޮކްވެފައިވާކަމަށާއި އެ ކަމަަށް މިހާރު އޮޕަރޭޝަން ކޮށްފައިވާކަމަށް ވެސް އޭނާ ބުންޏެވެ.

"މިހާރު ސްޓޭބަލް. އޮބްޒަވޭޝަންގައި އޮތީ މިހާރު," އޭނާ ކިޔައިދިނެވެ.

މުހައްމާއަކީ ރާއްޖޭގެ ފިލްމީ ދާއިރާއިން މަގުބޫލުކަން ހޯދި މޮޅު ފަންނާނެކެވެ. ފަހުން ސިޔާސީ ދާއިރާގެ މަސައްކަތްތަކަށް ނުކުތުމަށްފަހު އިހަވަންދޫ ދާއިރާގެ މެންބަރުކަން ކުރެއްވިއެވެ. އަދި އެންމެ ފަހުން މި ސަރުކާރުގައި ހުންނެވީ ބްރޯޑްކާސްޓިން ކޮމިޝަނުގެ މެންބަރެއްގެ މަގާމުގައެވެެ.