ދެ ގެއެއް ބަލައި 400 އަށް ވުރެ ގިނަ އަދަދެއްގެ ވޭޕް އަތުލައިގައިނެފި
ފާޠިމަތު ހިބާ
އިއްޔެ ހިންގި އޮޕަރޭޝަންގެ ދަށުން ފުލުހުންގެ ބެލުމުގެ ދަށަށްގެނެސްފައިވާ ތަކެތި--ފޮޓޯ/ފުލުހުން
SHARE
ދެ ގެއެއް ބަލައިފާސްކޮށް ގިނަ އަަަދަދެއްގެ ވޭޕް ފުލުހުން އިއްޔެ އަތުލައިގަނެފިއެވެ.
ފުލުހުންނަށް އިއްޔެ ލިބުނު މައުލޫމާތާ ގުޅިގެން ހިންގި އޮޕަރޭޝަނެއްގައި ކޯޓު އަމުރެއްގެ ދަށުން ދެ ގެއެއް ބަލައި ފާސްކޮށް، 442 ވޭޕް ކާޓްރިޖާއި ދެ ކާޓަންގެ ސިނގިރެޓާއި، ޝީޝާ ޕަފް އަދި ވޭޕާ ގުޅުން ހުރި ތަކެތި ފެނިފައިވާކަމަށް ފުލުހުން ބުނެފައިވެއެވެ.
މި މައްސަލައާ ގުޅިގެން ދެމީހަކު ޖޫރިމަނާކޮށްފައިވާކަމަށް ވެސް ފުލުހުން ބުންޏެވެ. މިހާތަނަށް މި މައްސަލައިގައި އެއްވެސް މީހަކު ހައްޔަރުކޮށްފައެއް ނުވެއެވެ.
ދުންފަތް ކޮންޓްރޯލްކުރުމާ ބެހޭ ގާނޫނަށް ގެނައި އިސްލާހުގެ ދަށުން ރާއްޖެއަށް ވޭޕާއި އެއާ ގުޅުން ހުރި އާލާތްތައް އެތެރެކުރުން ނޮވެމްބަރު 15 2024 އިން ފެށިގެން ވަނީ މަނާކޮށްފައެވެ. އަދި މި އަހަރުން ފެށިގެން ވޭޕު ބޭނުންކުރުން ސަރުކާރުންވަނީ އެއްކޮށް މަނާކޮށްފައެވެ.
