ގަވާއިދާ ހިލާފަށް މަސައްކަތް ކުރަމުންދިޔަ 10 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފި
ފާޠިމަތު ހިބާ
ގަވާއިދާ ހިލާފަށް މަސައްކަތްކުރާ ބިދޭސީން ބަލާފާސްކުރުމުގެ ތެރެއިން--ފޮޓޯ/އިމިގްރޭޝަން
SHARE
ގަވާއިދާ ހިލާފަށް މަސައްކަތް ކުރަމުންދިޔަ 10 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
އިމިގްރޭޝަންގެ ބެލުމުގެ ދަށަށް މި ބިދޭސީން ގެންގޮސްފައިވަނީ އިއްޔެ ގަވާއިދާ ހިލާފަށް ރާއްޖޭގައި އުޅެމުންދާ ބިދޭސީން ހޯދުމަށް ޓާސްކްފޯސްއިން ހިންގަމުންދާ އޮޕަރޭޝަންތަކުގަ ތެރެއިންނެވެ. އެގޮތުން އިއްޔެ ހިންގި މި އޮޕަރޭޝަންގެ ދަށުން 95 ބިދޭސީއެއް ބަލާފާސްކޮށްފައިވާކަމަށް އިމިގްރޭޝަނުން ބުނެއެވެ.
އިއްޔެ މި އޮޕަރޭޝަން ކުރިއަށް ގެންގޮސްފައިވަނީ ހުޅުމާލެ ފޭސް ދޭއްގެ ހިޔާ ފްލެޓް ސަރަހައްދުގައި ހިންގާ ވިޔަފާރިތަކަށް އަމާޒުކޮށެވެ.
ގަވައިދާ ހިލާފަށް އުޅޭ ބިދޭސީންގެ މައްސަލަ ހައްލުކުރުމަށް ޓަކައި މޯލްޑިވްސް އިމިގްރޭޝަނުން އަނަނީ މާލެ ސަރަހައްދުގައި ގިނަ އަދަދެއްގެ އޮޕަރޭޝަން ތަކެއް ހިންގަމުންނެވެ.
