އެއްދުވަހެއްގައި ދެއިންތިހާބު ބޭއްވުމުން ރާއްޖެ ހިންގުމަށް ހެޔޮ ބަދަލުތަކެއް އަންނާނެ: ވަޒީރު
އަޙްމަދު ޝާބިން
SHARE
ރިޔާސީ އިންތިހާބާއި، ރައްޔިތުންގެ މަޖިލިހުގެ އިންތިހާބު އެއްދުވަހެއްގައި ބޭއްވުމަކީ ރާއްޖޭގެ ހިންގުމަށް ހެޔޮ ބަދަލެއް އަންނާނެ ކަމެއް ކަމަށް ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވަޒީރު ޢަދަމް ޝަރީފް އުމަރު ވިދާޅުވެއްޖެއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ޖަވާބުދެއްވަމުން އެމަނިކުފާނު ވިދާޅުވީ ދެ އިންތިޚާބު އެއްދުވަހެއްގައި ބާއްވަނީ އިންތިހާބުގެ ހަރަދުތައް ބޮޑުވާތީކަމުގައެވެ.
މީގެ އިތުރުން، ކެންޕޭނު ދުވަސްވަރު އެކަމަށް ހުސްވެގެން ތިބޭ މީހުން އޭގެ ބަދަލުގައި ފައިދާހުރި މިނާކުރަނިވި މަސެއްކަތެއް ކުރުމުގެ ފުރުސަތު ލިބިގެންދާނެކަމަށް ވަޒީރު ވަނީ ވިދާޅުވެފައެވެ.
ރިޔާސީ އިންތިހާބާއި، ރައްޔިތުންގެ މަޖިލިހުގެ އިންތިހާބު އެއްދުވަހެއްގައި ބޭއްވުމަށް މިބޭއްވޭ ލޯކަލް ކައުންސިލް އިންތިހާބާއި ދިމާކޮށް ރައްޔިތުންގެ މެދުގައި ފެންނަ ނުފެންނަ ވޯޓެއް ނެގުމަށް ދަނީ ތައްޔާރީތައް ވަމުންނެވެ.
