ޅ. އަތޮޅު ފަޅުރަށަކުން ފެނުނު ކިނބުލެއް ސިފައިންނާ ހަވާލުކޮށްފި
ޢާއިޝަތު ނުޒުހާ
18 އޭޕްރީލު 2026 - 08:54
SHARE
ޅ. އަތޮޅު ފަޅު ރަށަކަށް ދަތުރު ދިޔަ ބަޔަކަށް ފެނުނު ކިނބުލެއް ހިފައި ސިފައިންނާ ހަވާލުކޮށްފިއެވެ.
އެމްއެންޑީއެފްއިން ބުނި ގޮތުގައި ކިނބޫ ފެނިފައިވަނީ އެ އަތޮޅު ދިއްދޫ ނަމަކަށް ކިޔާ ފަޅު ރަށަކުން މިއަދު ހެނދުނު 07:00 ހާއިރު އެވެ. ކިނބޫ ފެނުމުން އެ މީހުން ވަނީ އެ ހިފައިގެން ނައިފަރަށް ގޮސްފައެވެ.
އެމްއެންޑީއެފްއިން ބުނީ އެ ކަން ނައިފަރު ޕޮލިސް ސްޓޭޝަނުން ސިފައިންނަށް ރިޕޯޓު ކުރުމާއެކު އެމްއެންޑީއެފް ކޯސްޓްގާޑް ފަސްޓް ސްކޮޑްރަންގެ ސިފައިން ނައިފަރަށް ގޮސް، އެ ކިނބޫ ވަނީ ޅ.މާފިލާފުއްޓަށް ގެންގޮސްފައިވާ ކަމަށެވެ.
މީގެ ކުރިން ވެސް އެކި ދުވަސްވަރު ކިނބޫ ފެނިގެން ސިފައިން އެ ނަގާ ރާއްޖޭ ނާދެވޭ ގޮތަށް ދޫކޮށްލައިފައިވެއެވެ.
