ޖިންސީ ގޯނާގެ މައްސަލައެއްގައި ނުވަ މީހުން ހައްޔަރުކޮށްފި
އައިޝަތު ހިދާޔާ
24 އޮކްޓޯބަރު 2026 - 08:41
ފުލުހުންގެ މައި އިދާރާ
SHARE
ޖިންސީ ގޯނާގެ މައްސަލައެއްގައި މިއަދު ނުވަ މީހަކު ހައްޔަރުކޮށްފިއެވެ.
ފުލުހުން ބުނީ މިއީ އަޕާ ސައުތް ޕޮލިސް ޑިވިޝަން ހިމެނޭ ރަށެއްގައި 22 އަހަރުގެ ޒުވާން އަންހެނަކަށް ޖިންސީ ގޯނާ ކުރިކަމަށް ތުހުމަތުކުރެވޭ މައްސަލައެއް ކަމަށެވެ. މި މައްސަލަ ފުލުހަށް ރިޕޯޓުކޮށްފައި ވަނީ, މިދިޔަ އަންގާރަ ދުވަހުއެވެ.
ފުލުހުން ބުނީ, ކުޑަކުދިންނަށް ޖިންސީ ގޯނާކޮށް އެ ކުދިން އެކްސްޕްލޮއިޓް ކޮށްފައިވާކަމަށް ތުހުމަތު ކުރެވޭ މައްސަލައެއް ވެސް މި މައްސަލައިގެ ތަހުގީގުގެ ތެރެއިން ފާހަގަވެފައިވާކަމަށެވެ. މި ތުހުމަތުތަކުގެ ސަބަބުން މި މައްސަލަ ވަރަށް ސީރިއަސް މައްސަލައެއްގެ ގޮތުގައި ބަލާކަމަށް ފުލުހުން ބުންޏެވެ.
މި މައްސަލައިގެ ތަހުގީގަށް ފުލުހުންގެ ހާއްސަ ޓީމެއް މިހާރު އެރަށަށް ފޮނުވާފައި ވާކަމަށް ވެސް ފުލުހުން ބުންޏެވެ.
