SHARE
ގެއްލިފައިވާ ރޯދައިގެ ބަދަލުގައި މުއްދުގެ ގޮތުގައި ފަގީރަކަށް ނުވަތަ މިސްކީނަކަށް ކާންދިނުމުގެ ޕްރޮގްރާމް އެހީ ޖަމިއްޔާއިން ފަށައިފިއެވެ.
އެހީ ޖަމިއްޔާއިން ބުނީ ގެއްލިފައިވާ ކޮންމެ ރޯދައަކަށް މިސްކީނެއްގެ ކެއުން ހަމަޖައްސައިދިނުމަށް އެ ޖަމިއްޔާއިން ނަގާ ރޭޓަކީ ރޯދައަކަށް 75 ރުފިޔާ ކަމަށެވެ.
ފައިސާ ޖަމާކުރަންވީ އެކައުންޓް ނަންބަރު: 7770000014821
އެކައުންޓްގެ ނަން: އެހީ ޖަމިއްޔާ
ފައިސާ ޖަމާކުރުމަށްފަހު 7803433 އަށް ރޯދައިގެ އަދަދު ޖެހުމަށް ފަހު ވައިބާ ކުރަންޖެހޭނެއެވެ.
މިދިޔަ އަހަރު ވެސް އެހީ ޖަމިއްޔާއިން ވަނީ މި ހަރަކާތް ކުރިއަށްގެންގޮސްފައެވެ.
މިފަދަ އިތުރު ހަރަކާތްތައް މެދުނުކެނޑި ކުރިއަށް ގެންދިއުމަށްޓަކައި ލިބިގެންދާ ފައިސާގެ 12.5 ޕަސެންޓް ހަރަކާތް ރާވާ ހިންގުމަށް ނަގާނެ ކަމަށް ވެސް އެ ޖަމިއްޔާއިން ބުންޏެވެ.
އެހީ ޖަމިއްޔާއަކީ ރާއްޖޭގެ ރައްޔިތުންގެ ލޯތްބާއި އިތުބާރު ހޯދައިފައިވާ ޖަމިއްޔާއެކެވެ. އަދި އެހީތެރިކަމަށް ބޭނުންވާ އެތައް ބަޔަކަށް އަބަދުވެސް އެހީތެރިކަން ފޯރުކޮށްދޭ ނަމޫނާ ޖަމިއްޔާއެކެވެ.
