ނޫނު އަތޮޅުގެ ހުރިހާ ރަށެއްގެ ކޮންމެ ގެއަކަށް ބިސް ކޭހެއް ދޭން ވިޔަފާރިވެރިޔާ އަދި ދ. މީދޫ ދާއިރާގެ މެންބަރު އަހްމަދު ސިޔާމް މުހައްމަދު ނިންމަވައިފިއެވެ.

ވެލިދޫ ދާއިރާގެ މެންބަރު މުހައްމަދު އައްބާސް 'ނުކުތާ'އަށް ވިދާޅުވީ ރޯދަ ހަދިޔާގެ ގޮތުގައި ނޫނު އަތޮޅުގެ ކޮންމެ ގެއަކަށް ބިސް ކޭހެއް ދިނުމަށް ސިޔާމް ނިންމަވާފައިވާ ކަމަށެވެ.

ސިޔާމު އަކީ ނ. ކުޑަފަރިއަށް ނިސްބަތްވެވަޑައިގަންނަވާ ބޭފުޅެކެވެ. އަދި ސިޔާމް އެންމެފަހުން ކައިވެނި ބައްލަވައިގަތް އާމިނަތު ޒާރާ ނިސްބަތްވެވަޑައިގަންނަވަނީ ބ. ކަމަދޫ އަށެވެ. ސިޔާމް ވަނީ ކަމަދޫގެ ކޮންމެ ގެއަކަށް ވެސް ބިސް ކޭހެއް ހަދިޔާ ކުރަން ނިންމަވާފައެވެ.