ދީތުވާ ތޫވާނުގެ ސަބަބުން ލަންކާގައި ފެންބޮޑުވެ ލިބިފައިވާ ގެއްލުންތަކުން އަރައިގަތުމަށް އެހީވުމުގެ ގޮތުން ސަން ސިޔާމް ގްރޫޕްގެ ފަރާތުން ދެލައްކަ ޑޮލަރު ހަދިޔާކުރަން ނިންމައިފިއެވެ.

އެ ފައިސާ ސްރީ ލަންކާ ސަފީރު މުހައްމަދު ރިޒްވީ ހަސަންއަށް ހަދިޔާ ކުރައްވާފައިވަނީ ސަން ސިޔާމް ގްރޫޕްގެ ޗެއާމަން އަހުމަދު ސިޔާމް މުހައްމަދުއެވެ. ހަދިޔާކުރަން ނިންމި 200000 ޑޮލަރުގެ ތެރެއިން އަދި ހަވާލުކުރެއްވި 75000 ޑޮލަރެވެ. ކުރިއަށް އޮތް ދުވަސްތަކުގައިބާކީ ބައި ދައްކާނެ ކަމަށް ވެސް ބުންޏެވެ.

މާދަމާއިން ފެށިގެން ސަން ސިޔާމް ގްރޫޕުގެ ކުންފުނިތަކާއި ރިސޯޓުތަކުގައި ވެސް އެހީ ހޯދުމަށް ފައިސާ އެއްކުރުމުގެ މަސައްކަތް ކުރިއަށް ގެންދާނެ ކަމަށް އެ ގުރޫޕުން ބުނެއެވެ.

ލަންކާއަށް އެހީ ފޯރުކޮއްދިނުމަށް ކުރިއަށް ގެންދާ ޓެލެތޯންއެއް މިއަދު ކުރިއައް ގެންދާއިރު މެންދުރާ ހަމައަށް ދެ މިލިއަން ރުފިޔާ ވުރެ ގިނައިން ލިބިފައިވެެއެވެ.