އެސްޓީއޯގެ އެމްޑީ ޝިމާދު އިބްރާހީމް
SHARE
ގޭސްގަތުމުގެ ހުރިހާ ބާރެއް މޯލްޑިވް ގޭސް އަތުން ނަގައި، އެސްޓީއޯގެ ދަށަށް ބަދަލުކުރަން ނިންމާފައިވާ ކަމަށް ރައްޔިތުންގެ މަޖިލީހުގެ ނައިބު ރައީސް އަހްމަދު ނާޒިމް ވިދާޅުވެއްޖެއެވެ.
މޯލްޑިވްސް ގޭސްއަކީ އެސްޓީއޯ އާއި ޗަމްޕާ ގޭސް އެންޑް އޮއިލް ކޮމްޕެނީގެ ހިއްސާ އޮންނަ ގޮތަށް އުފައްދާފައިވާ ކުންފުންޏެކެވެ.
ގޭސް ގަތުމުގެ ބާރުތައް އެސްޓީއޯއިން ނަގަން ނިންމީ ރާއްޖެއަށް 1000 މެޓްރިކް ޓަނުގެ ގޭސް ޝިޕްމެންޓެއް ގެނައުމަށް ދުބާއީގެ ކުންފުންޏަކަށް އެޑްވާންސްގެ ގޮތުގައި ދިން ފައިސާ ވީނުވީއެއް ނޭނގި ގެއްލިފައިވާ ދަނޑިވަޅެއްގައެވެ. އެޑްވާންސްގެ ގޮތުގައި އެ ކުންފުންޏަށް ދިނީ 260،000 ޑޮލަރެވެ. ނަމަވެސް އެ ކުންފުނިން ރާއްޖެއަށް ގޭސް ފޮނުވާފައެއްނުވެއެވެ. އަދި އެ ފައިސާ ވެސް އަނބުރާ ދީފައެއްނުވެ އެވެ.
މާލިއްޔަތު ކޮމިޓީގައި ވާހަކަދައްކަވަމުން ނާޒިމް ވިދާޅުވީ އެސްޓީއޯ އިން އެ ބަދަލު ގެންނަން ނިންމީ ގޭސް ގަތުމުގައި މޯލްޑިވް ގޭސް އިން ބޮޑު އިހުމާލެއް ވެފައިވާތީ ކަމަށެވެ.
އޭނާ ވިދާޅުވީ މޯލްޑިވް ގޭސްގެ އިސްވެރިންގެ މައްސަލަ މާލިއްޔަތު ކޮމިޓީން ބަލާނެ ކަމަށެވެ.
.png&w=3840&q=75)
ނާޒިމް ވިދާޅުވިގޮތުގައި އެ މައްސަލަ ދިމާވީ ގޭސް ގަންނަމުން އައި ކުންފުނި ކުއްލިގޮތަކަށް ބަދަލުކުރުމުންނެވެ. އަދި އެ ކުންފުނި ބަދަލުކުރި ސަބަބު މޯލްޑިވް ގޭހަށް ސާފުކޮށްނުދެވުނު ކަމަށް އޭނާ ވިދާޅުވިއެވެ.
"އެ މައްސަލަ ހައްލުކުރަން މޯލްޑިވް ގޭސްގެ މެނޭޖިން ޑިރެކްޓަރު އަބްދުﷲ މުހައްމަދަށް ފުރުސަތު ދީފައި ވަނީ. އެކަމަކު މިހާތަނަށް އައިއިރުވެސް އެ ފައިސާ ރިކަވާ ކުރެވިފައެއްނުވޭ،" ނާޒިމް ވިދާޅުވިއެވެ.
