ފުރާޅެއްގެ މައްޗަށް ވެއްޓުނު އަންހެނަކަށް ފަރުވާދެނީ

ހެންވޭރު ގެއެއްގެ ފުރާޅު މައްޗަށް ވެއްޓުނު ޒުވާން އަންހެނަކަށް އައިޖީއެމްއެޗްގައި ފަރުވާދެމުން އެބަދެއެވެ.

ފުލުހުންގެ މީޑިއާ އޮފިޝަލް ވިދާޅުވީ އެ މައްސަލަ ފުލުހުންނަށް ރިޕޯޓްކޮށްފައި ވަނީ މިއަދު ހެނދުނު 7:23 ހާއިރު ކަމަށެވެ.

އެމްއެންޑީއެފްގެ ފަޔާ އެންޑް ރެސްކިއުގެ އެހީތެރިކަމާ އެކު އެ މީހާ އައިޖީއެމްއެޗަށް ގެންގޮސް އަންނަނީ ފަރުވާދެމުންނެވެ.

ފުލުހުން ބުނިގޮތުގައި ފުރާޅުމައްޗަށް ވެއްޓުނީ 21 އަހަރުގެ ދިވެހި އަންހެނެކެވެ. އޭނާ ވެއްޓެން މެދުވެރިވި ސަބަބެއް އަދި ނޭނގެއެވެ.

އޭނާގެ ހާލަތު އަދި ނޭނގެއެވެ. ފުލުހުން އަންނަނީ އެ މައްސަލަ ތަހުގީގު ކުރަމުންނެވެ.