ސިފައިންގެ އަހަރީ ދުވަސް ފާހަގަކުރަން ހާއްސަ ހިނގާލުމެއް މިއަދު ބާއްވަނީ

ސިފައިންގެ އަހަރީ ދުވަސް ފާހަގަކުރުމުގެ ގޮތުން ބާއްވާ ހާއްސަ ހިނގާލުމެއް މިއަދު އޮންނާނެ ކަމަށް ގައުމީ ދިފާއީ ބާރުން ބުނެފިއެވެ.

ސިފައިންގެ 133 ވަނަ އަހަރީ ދުވަހުގެ މުނާސަބަތުގައި ސިފައިންގެ ލަޝްކަރުގެ އެކިއެކި ދާއިރާތައް ދައްކުވައިދޭ ހިނގާލުން ފަށާނީ ބަންޑާރަކޮށިންނެވެ. މި ހިނގާލުމުގައި ސިފައިންގެ ލަޝްކަރު މާލޭގެ ގިނަ ސަރަހައްދުތަކެއްގައި ހުއްޓޭނެއެވެ. އެގޮތުން, ހުއްޓެން ހަމަޖެހިފައިވާ ސަރަހައްދުތަކަކީ:

1. އަމީރުއަހްމަދު މަގު
2. ރައީސް އޮފީސް ކުރިމަތި
3. ސޯސަންމަގު ދިވެހިބަހުގެ އެކަޑަމީ ކުރިމަތި
4. މަޖީދީމަގާއި ޗާންދަނީމަގު ހަތަރުއަނގޮޅި
5. މަޖީދީމަގު މިލިއަން ބުކްޝޮޕް ކުރިމަތި
6. ބޮޑުތަކުރުފާނުމަގު ކަޅުތުއްކަލާކޮށި ހުޅަނގު އުތުރު ކަންމަތި

މި ހިނގާލުމުުގައި ރައީސް އޮފީސް ކުރިމައްޗަށް ސިފައިންގެ ލަޝްކަރު މަޑުކުރުމުން ސިފައިންގެ އެންމެ މަތީ ވެރިޔާ, ރައީސް ޑރ މުހައްމަދު މުއިއްޒު ހިނގާލުން ޝަރަފުވެރިކޮށްދެއްވާނެ އެވެ.

ހިނގާލުން ފަށާނީ 16:15ގައި ބަންޑާރަކޮށިންނެވެ. އަދި ނިންމާލާނީ ކަޅުތުއްކަލާކޮށްޓަށެވެ.