ފުރާޅުމަތިން ވެއްޓުނު އަންހެންމީހާ ހޭއަރައިފި، މިހާރު ވާހަކަވެސް ދައްކާ

ހެންވޭރު ގެއެއްގެ ފުރާޅު މައްޗަށް ވެއްޓިފައި ވަނިކޮށް އައިޖީއެމްއެޗަށް ގެންދިޔަ އަންހެން މީހާ ހޭއަރައިފިއެވެ.

އައިޖީއެމްއެޗްގެ އޮފިޝަލަކު "ނުކުތާ"އަށް ވިދާޅުވީ އުމުރުން 21 އަހަރުގެ އެ އަންހެން މީހާ މިހާރު ހޭއަރާފައިވާ ކަމަށެވެ. އަދި އޭނާއަށް މިހާރު ވާހަކަ ވެސް ދެކެވޭ ކަމަށް އޮފިޝަލް ވިދާޅުވިއެވެ.

"މިހާރު ހާލަތު ރަނގަޅުވަމުން އަންނަނީ،" އޮފިޝަލް ވިދާޅުވިއެވެ.

ފުލުހުންގެ މީޑިއާ އޮފިޝަލް ވިދާޅުވީ އެ މައްސަލަ ފުލުހުންނަށް ހުށަހަޅާފައި ވަނީ މި މަހުގެ 18 ވަނަ ދުވަހުގެ ހެނދުނު 7:23 ހާއިރު ކަމަށެވެ.

އެ އަންހެން މީހާ އައިޖީއެމްއެޗަށް ގެންދިޔައީ އެމްއެންޑީއެފްގެ ފަޔާ އެންޑް ރެސްކިއު ސާވިސްގެ އެހީތެރިކަމާއެކުއެވެ.

އެ އަންހެން މީހާ ވެއްޓުނުގޮތެއް ފުލުހުން އަދިި ނުބުނެއެވެ. ފުލުހުން އަންނަނީ އެ މައްސަލަ ތަހުގީގު ކުރަމުންނެވެ.