ރާއްޖެ އާއި މެލޭޝިއާއާ ދެމެދު ގިނަ އެއްބަސްވުންތަކެއްގައި ސޮއިކޮށްފި

ރާއްޖެ އާއި މެލޭޝިއާ އާ ދެމެދު އެކި ދާއިރާތަކުން ފަސް އެއްބަސްވުމެއްގައި މިއަދު ސޮއިކޮށްފިއެވެ.

މި އެއްބަސްވުންތަކުގައި ސޮއި ކުރެއްވީ ރައީސް ޑރ މުހައްމަދު މުއިއްޒު މެލޭޝިއާ އަށް ކުރައްވަމުން ގެންދަވާ ރަސްމީ ދަތުރުގެ ތެރެއިންނެވެ.

އެގޮތުން ޖުމްލަ ފަސް ދާއިރާއަކުން މީހުން ތަމްރީނުކޮށް އެ ދާއިރާތައް ކުރިއަރުވަން އެއްބަސްވުންތަކުގައި ސޮއި ކުރެވުނެވެ. އެއީ،

• ކުޅިވަރުގެ ދާއިރާ
• ސިއްހީ ދާއިރާ
• ޓޫރިޒަމް ދާއިރާ
• ޑިޕްލޮމެޓުން ތަމްރީނުކުރުން
• ފައިނޭސްޝަލް ސާވިސަސްގެ ދާއިރާ، އެވެ.

އަދި މީގެ އިތުރުން ޑިފެންސްގެ ދާއިރާއިން ވެސް މެލޭޝީއާ އޮންނަ ގުޅުން ބަދަހިކުރުމަށް ޝައުގުވެރިކަން އޮތް ކަން ރައީސް ވަނީ ހާމަކުރައްވާފައެވެ.

މި ދަތުރުފުޅަކީ މެލޭޝިއާގެ ބޮޑުވަޒީރު އަންވަރު އިބްރާހިމްގެ ދައުވަތަކަށް ރައީސް ކުރައްވާ ރަސްމީ ދަތުރުފުޅެކެވެ. ދަތުރުފުޅު ނިންމަވާލައްވައި އެނބުރި ރައްޖެ ވަޑައިގަންނަވާނީ އަންނަ ބުދަ ދުވަހުއެވެ.