SHARE
ޕީޕީއެމްގެ ސެނެޓަރުންގެ ގޮތުގައި ކުރިން ތިއްބެވި ބޭފުޅުންގެ ތެރެއިން ޕީއެންސީއަށް ސޮއިކުރި ބޭފުޅުންނަށް އެ ޕާޓީގެ ސެނެޓް މެންބަރުކަން ދީފިއެވެ.
އެ ޕާޓީއާ އެ މެންބަރުން ގުޅުމަށް ރޭ ވަނީ ރަސްމިއްޔާތެއް ބާއްވާފައެވެ. އެ ރަސްމިއްޔާތުގައި ސޮއިކުރި ޕީޕީއެމްގެ ސެނެޓް މެންބަރުން ޕީއެންސީގެ ސެނެޓަށް އައްޔަންކުރަން ރޭ ވަނީ ފާސްކޮށްފައެވެ.
އޭގެތެރޭގައި ހިމެނިވަޑައިގަންނަވަނީ ބްރޯޑްކާސްޓިން ކޮމިޝަނުގެ މެންބަރު މުހައްމަދު އަބްދުﷲ (މުހަންމާ) އާއި އެމްޕީއެލްގެ ކުރީގެ ސީއީއޯ މުހައްމަދު ވަޖީހު އިބްރާހީމާއި ފެނަކަ ކޯޕަރޭޝަންގެ ކުރީގެ މެނޭޖިން ޑިރެކްޓަރު މުއާޒު މުހައްމަދު ރަޝީދާއި ހޯމް މިނިސްޓްރީގެ ސްޓޭޓް މިނިސްޓަރު އަހްމަދު ސިއްދީގު ހިމެނިވަޑައިގަންނަވައެވެ.
.png&w=3840&q=75)
ޕީޕީއެމް އުވާލަން އެ ޕާޓީގެ ސެނެޓުން ނިންމީ މިދިޔަ އަހަރުގެ ޑިސެންބަރު މަހުގެ ދެވަނަ ދުވަހުއެވެ. އިލެކްޝަންގެ ދަފްތަރުން ޕީޕީއެމް އުނިކުރީ މިދިޔަ ޖެނުއަރީ މަހުގެ 30 ވަނަ ދުވަހުއެވެ.
އިލެކްޝަންސް ކޮމިޝަނުން އާންމުކޮށްފައިވާ ތަފާސްހިސާބުތަކަށް ބަލާއިރު، 60،000އަށް ވުރެ ގިނަ މެންބަރުން ޕީއެންސީގައި އެބަތިއްބެވެ.
