މައްސަލައެއްގެ ތަހުގީގަށް މެލޭޝިއާ ފުލުހުން ދިވެއްސަކު ހައްޔަރުކޮށްފި

މެލޭސިއާ ފުލުހުން ތަހުގީގު ކުރަމުންދާ މައްސަލައެއްގައި ދިވެއްސަކު ހައްޔަރުކޮށްފައިވާ ކަމަށް ފުލުހުން ބުނެފިއެވެ.

ފުލުހުން މީޑިއާތަކަށް ފޮނުވި މެސެޖުގައި ބުނީ މެލޭޝިއާ ފުލުހުން ތަހުގީގު ކުރަމުންދާ މައްސަލައަކާ ގުޅިގެން މީހަކު ހައްޔަރުކޮށްފައިވާ ކަމުގެ މައުލޫމާތު ފުލުހުންނަށް ލިބިފައިވާ ކަމަށެވެ. ހައްޔަރުކޮށްފައިވަނީ އަބްދުލް ބާތިން މުހައްމަދު އެވެ.

މީގެ އިތުރުން ފުލުހުން ބުނީ ބާތިންގެ މައްޗަށް ތުހުމަތު ކުރެވޭ ގެވެށި އަނިޔާގެ މައްސަލައެއް ފުލުހުން ވެސް ތަހުގީގު ކުރަމުން އަންނަ ކަމަށެވެ. ނަމަވެސް އޭނާ މެލޭޝިއާ ފުލުހުން ހައްޔަރު ކުރި ސަބަބެއް ހާމަކޮށްފައެއް ނުވެއެވެ.