ޗައިނާ އެމްބަސީ އިން ހިއުމަން ރިސޯސް ޓްރޭނިން ޕްރޮގްރާމެއް ބާއްވާފިއެވެ. ‎ ‎އިއްޔެ ބޭއްވި މި ޕްރޮގުރާމުގައި ޗައިނާ އެމްބެސެޑަރު ކޮންގު ޒިޔާންހުއާއާއި މިނިސްޓްރީ އޮފް ފޯރަން އެފެއާޒްގެ އެޑިޝަނަލް ސެކެޓްރީ ޖާވިދު ފައިސަލް ވެސް ބައިވެރިވިއެވެ. އަދި މީގެ އިތުރުން 100 އަށް ވުރެ ގިނަ ދިވެހީން ވެސް މި ޕްރޮގްރާމުގައި ބައިވެރިވިކަމަށް އެ އެމްބަސީން ބުނެއެވެ. ‎ ‎ޗައިނާގެ ސަފީރު ކޮންގް ވިދާޅުވީ ޗައިނާގެ ތަރައްގީގެ ތަޖުރިބާ ރާއްޖެއާ މިފަދަ ޕްރޮގްރާމްތަކުގައި ހިއްސާކުރަމުން ގެންދާނެ ކަމަށެވެ. އަދި ރާއްޖޭގެ އެކިއެކި ދާއިރާތައް ތަރައްގީ ކުރުމަށް މިފަދަ ޕްރޮގްރާމުތަކުގެ ޒަރިއްޔާއިން އެހީތެރިވާނެކަމަށް ވެސް އޭނާ ވިދާޅުވިއެވެ. އަދި މިފަދަ ޕްރޮގްރާމްތަކުގެ މައުލޫމާތު ހެޔޮގޮތުގައި ބޭނުން ހިފުމަށް އިލްތިމާސްކުރެއްވިއެވެ. ‎‎