ރާއްޖޭގެ އެންމެ ފުރަތަމަ އެއާ ޓްރެފިކް ކޮންޓްރޯލަރު ނިޔާވެއްޖެ

ރާއްޖޭގައި އެންމެ ފުރަތަމަ އުފެދުނު އެއާ ޓްރެފިކް ކޮންޓްރޯލަރު، މުހައްމަދު ނައީމް ހުސެއިން ނިޔާވެއްޖެއެވެ.

އެނގިފައިވާ ގޮތުގައި ނައީމް ނިޔާވެފައިވަނީ މި މަހުގެ 10 ވަނަ ދުވަހުއެވެ. ނިޔާވިއިރު އުމުރުފުޅަކީ 74 އަހަރެވެ.

ނައީމް ނިޔާވުމުގެ ހިތާމައިގައި މިއަދު އަމްއޭސީއެލުން "އެކްސް" ގައި ކުރި ޕޯސްޓެއްގައި ވަނީ ތައުޒިޔާ ކިޔައިފައެވެ.

އެ ޕޯސްޓުގައި އެމްއޭސީއެލުން ބުނީ އެ ކުންފުނިން ނައީމުގެ ނިޔާވުމާއި ގުޅިގެން ހިތާމަ ކުރާ ކަމަށާއި، އަދި ނައީމުގެ ވަކިވެ ދިޔުމަކީ މުޅި އޭވިއޭޝަން ކޮމިއުނިޓީއަށްވެސް ލިބުނު ބޮޑު ވަރަށް ބޮޑު ގެއްލުމެއ ކަމަށެވެ.

އަދި އެމްއޭސީއެލުން ބުނީ މައްޔިތާ ކޮށްދެއްވި މަސައްކަތުގެ އަގު ވަޒަންކޮށް ވަަރަށް އިހުތިރާމާއެކު ޒިކުރާ އައު ކުރާނެ ކަމަށެވެ.

މުހައްމަދު ނައީމް ހުޅުލެ އެއާޕޯޓުގައި މަސައްކަތް ކުރަން ފައްޓަވާފައިވަނީ 1967 އަހަރުގައެވެ. ރާއްޖޭގެ އެންމެ ފުރަތަމަ އެއާ ޓްރެފިކް ކޮންޓްރޯލަރުގެ މަގާމަށް ނައީމް ނިކުމެވަޑައިގަތީ 1972 ގައެވެ.