ބަންގްލަދޭޝް އަށް ދަތުރުކުރާ ދިވެހިން ސަމާލުވާން އަންގައިފި
ފާޠިމަތު ހިބާ
ހާރިޖީ ވުޒާރާ--ފޮޓޯ/ސަރުކާރު
SHARE
ބަންގްލަދޭޝަށް ދަތުރުކުރާ ދިވެހިން ސަމާލުވުމަށް ޚާރިޖީ ވުޒާރާއިން އަންގައިފިއެވެ.
ޚާރިޖީ ވުޒާރާއިން ބުނީ، ކުރިއަށް އޮތީ އެ ގައުމުގެ ރައްޔިތުންގެ މަޖިލީހުގެ އިންތިހާބުކަމުން އެ ގައުމަށް ދަތުރުކުރާ އެންމެހައި ފަރާތްތަކަށް އޮންނަ އރައިވަލް ވިސާ ދޫކުރުން ވަގުތީ ގޮތުން މެދުކަނޑާލަން އެގައުމުގެ ސަރުކާރުން ނިންމާފައިވާ ކަމަށެވެ.
މިހެން މިކަން ކުރުމަށް ނިންމާފަިވަނީ މި މަހުގެ 15 ވަނަ ދުވަހުން ފެށިގެން އަންނަ މަހުގެ 15 ވަނަ ދުވަހުގެ ނިޔަލަށް ކަމަށް ވެސް އެ ވުޒާރާއިން ބުންޏެވެ.
އެހެންކަމުން ވުޒާރާއިން ވަނީ މި މުއްދަތުގެ ތެރޭގައި ބަންގްލަދޭޝަށް ދަތުރުކުރަން ރާވާފއިވާ ދިވެހި ރައްޔިތުން މިކަމަށް ސަމަާލުވާން އަންގާފައެވެ.
އަދި ދަތުރުގެ ކުރިން ދިވެހިރާއްޖޭގައި ހުންނަ ބަންގްލަދޭޝްގެ ހައިކޮމިޝަނުން ބޭނުންވާ ވިސާ ނެގުމަށް ވެސް އިލްތިމާސްކޮށްފައިވެއެވެ.
