ދިވެހިންނަށް އޮން އެރައިވަލް ވިސާ ލިބޭ ގޮތަށް ބަންގަލަދޭޝްގެ ނިންމުން ބަދަލުކޮށްފި
ފާޠިމަތު ހިބާ
14 ޖެނުއަރީ 2026 - 10:21
ވެލާނާ އިންޓާނޭޝަނަލް އެއާޕޯޓް --ފޮޓޯ
SHARE
ވަކި ދުވަސްވަރެއް ވަންދެން ދިވެހިންނަށް އޮން އެރައިވަލް ވިސާ ނުލިބޭ ގޮތަށް ބަންގްލަދޭޝްއިން އިއްޔެ ނިންމި ނިންމުން މިއަދު ބަދަލުކޮށްފިއެވެ.
ބަންގްލަދޭޝްގައި އަންނަ ފެބްރުއަރީ މަހުގެ 12 ވަނަ ދުވަހު އެ ގައުމުގެ ރައްޔިތުންގެ މަޖިލީހުގެ އިންތިހާބުއޮންނާތީ އެ ގައުމަށް ދަތުރުކުރާ އެންމެހައި ފަރާތްތަކަށް އޮންނަ އެރައިވަލް ވިސާ ދޫކުރުން ވަގުތީ ގޮތުން މެދުކަނޑާލަން އެގައުމުގެ ސަރުކާރުން ނިންމީ އިއްޔެއެވެ.
އެހެން ނަމަވެސް އެނިންމުން އަނބުރާ ގެންދަން ބަންގްލަދޭޝްގެ ސަރުކާރުން މިއަދު ވަނީ ނިންމަވާފައެވެ. އެގޮތުން ބަންގްލަދޭޝްއަށް ދަތުރުކުރާ ދިވެހިންނަށް ކުރިއެކޭވެސް އެއްގޮތަށް އޮން-އެރައިވަލް ވިސާ ލިބޭނެކަމަށް އެގައުމުން މިއަދު ވަނީ ބުނެފައެވެ.
