ޗައިނާ ސަރުކާރުން ދޫކުރާ ސްކޮލަޝިޕަށް އެޕްލައި ކުރަން ހުޅުވާލައިފި

ޗައިނާ ސަރުކާރުން ދޫކުރާ ސްކޮލަޝިޕަށް އެޕްލައި ކުރުމަށް ހުޅުވާލާފައިވާކަމަށް ހަޔާ އެޑިއުކޭޝަން މިނިސްޓްރީން ބުނެފިއެވެ.

ހަޔާ އެޑިއުކޭޝަން މިނިސްޓްރީން މިއަދު ކުރި އިއުލާނެއްގައި ބުނީ، ޗައިނާ ސަރުކާރުން ދޫކުރާ ސްކޮލަޝިޕަށް މިހާރު އެޕްލައި ކުރެވޭނެކަމަށެވެ.

އަދި މި ސްކޮލަޝިޕުގެ ދަށުން ބޭނުންވާ ދަރިވަރުންނަށް ބެޗެލާސް ޑިގްރީ، މާސްޓާސް ޑިގްރީ އަދި ޕީއެޗްޑީ ފުރިހަމަ ކުރެވޭނެކަމަށް އެ މިނިސްޓްރީން ބުންޏެވެ.

އެގޮތުން، މި ސްކޮލަޝިޕަށް އެޕްލައި ކުރުމުގެ ސުން ގަޑިއަކީ މި މަހު 29 ވަނަ ދުވަހުގެ މެންދުރު ފަހު 1:30 ކަމަށް ވެސް ހަޔާ އެޑިއުކޭޝަން މިނިސްޓްރީން ބުންޏެވެ.