ދެ ތަނެއް ބަލައި ފާސްކޮށް 15 ބިދޭސީއަކު އިމިގްރޭޝަންގެ ބެލުމުގެ ދަށަށް
ފާޠިމަތު ހިބާ
ހުއްދަނެތި ވިޔަފާރިކުރަމުންދިޔަތަންތަން ބަލައި ފާސްކުރަނީ --ފޮޓޯ/އިމިގްރޭޝަން
SHARE
ބިދޭސީން ދިރިއުޅޭ ދެ ތަނެއް ބަލައި ފާސްކޮށް 15 ބިދޭސީން އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
ފުލުހުން ބުނި ގޮތުގައި މި މީހުން އިމިގްރޭޝަންގެ ބެލުމުގެ ދަށަށް ގެންގޮސްފައިވަނީ އިއްޔެ ފުލުހުންނާއި އިމިގްރޭޝަންއާއި ގުޅިގެން މާލޭގައި ކުރިއަށް ގެންދިޔަ ޖޮއިންޓް އިންސްޕެކްޝަންއެއްގެ ތެރެއިންނެވެ.
ފުލުހުން ބުނީ އިއްޔެ ހިންގި ޖޮއިންޓް އިންސްޕެކްޝަންގެ ތެރެއިން ދެ ގެއެއް ބަލައި ފާސްކޮށްފައިވާކަމަށެވެ. އަދި މި އިންސްޕެކްޝަނުގެ ތެރެއިން ބަލައި ފާސްކުރި އެއް ގޭގެ ތެރޭގައި އެއްވެސް ހުއްދައެއްނެތި ވިޔަފާރި އުސޫލުން ރޮށިފިހެ ވިއްކަމުންދިޔަކަން ފާހަގަކުރެވިފައިވާކަމަށް ފުލުހުން ބުންޏެވެ. ފުލުހުންވަނީ އެ މަސައްކަތްތައް މިހާރު ހުއްޓުވާފައެވެ.
މި އިންސްޕެކްޝަންގެ ތެރެއިްނ ބަލައި ފާސްކުރި ދެވަނަ ތަނުގައި ގަވާއިދާ ހިލާފަށް ފިހާރައެއް ހިންގައި މުދާ ވިއްކަމުންދިޔަކަން ފުލުހުން ފާހަގަކޮށްފައިވެއެވެ.
ފުލުހުން ބުނީ މިހާރު މި ދެ ތަންވެސް ބަންދުކޮށްފައިވާކަމަށެވެ. އަދި އިންސްޕެކްޝަނަށްފަހު ޖުމްލަ 15 ބިދޭސީ ފިރިހެނުން އިމިގްރޭޝަންގެ ބެލުމުގެ ދަށަށް ގެންގޮސްފައިވާކަމަށް ފުލުހުން ބުނެއެވެ.
