ޮޕީއެންސީއަށް ލިބުނު ކާމިޔާބީ ފާހަގަކުރަން ރައީސް ރަސްދޫއަށް ވަޑައިގެންފި
ޢާއިޝަތު ނުޒުހާ
ރައީސް މުއިއްޒު, ރަސްދޫއަށް ވަޑައިގެންނެވުމުން އެ ރަށުން އެމަނިކުފާނަށް މަރުހަބާ ދަންނަވަނީ -- ފޮޓޯ: ޕީއެންސީ ސޯޝަލް މީޑިއާ
SHARE
މި މަހުގެ ހަތަރު ވަނަ ދުވަހު ކުރިއަށް ދިޔަ ލޯކަލް ކައުންސލް އަދި ޑަބްލިޔުޑީސީ އިންތިހާބުގައި ސަރުކާރު ހިންގާ ޕީއެންސީއަށް ލިބުނު ކާމިޔާބީ ފާހަގަކުރަން ރައީސް ޑރ. މުހައްމަދު މުއިއްޒުގެ ދެކަނބަލުން މިއަދު ހަވީރު އއ. ރަސްދޫއަށް ވަޑައިގެންފިއެވެ.
ރައީސްގެ ދެކަނބަލުން ރަސްދޫއަށް ވަޑައިގެންނެވީ މި ކާމިޔާބީ ފާހަގަކުރުމަށް އެ ރަށުގައި މިރޭ ބާއްވާ ރަސްމިއްޔާތުގައި ބައިވެރިވެވަޑައިގަތުމަށެވެ.
ރަސްދޫއަށް މިއަދު ހަވީރު ވަޑައިގަތުމުން އެ ރަށުން ވަނީ ރައީސްގެ ދެކަނބަލުންނަށް ހޫނު މަރުހަބާއެއް ކިޔައިފައެވެ.
އިދިކޮޅު އެމްޑީޕީގެ މައި ރަށެއްގައި ބެލެވިފައި އޮތް ރަސްދޫގެ ކައުންސިލް ޕީއެންސީއަށް ކާމިޔާބުވެފައިވަނީ 15 ވަރަކަށް އަހަރު ފަހުންނެވެ. ކައުންސިލް އިންތިހާބު ބާއްވަން ފެށީއްސުރެ އެމްޑީޕީ ކޮންޓްރޯލް ކުރަމުން ދިޔަ ކައުންސިލް ކާމިޔާބުކޮށް ޕީއެންސީއިން ވަނީ ތާރީހު ބަދަލުކޮށްލައިފައެވެ.
