ހިތަދޫ އުތުރު ދާއިރާގެ ޕީއެންސީ ޕްރައިމަރީގެ ވޯޓުލުން ފަށައިފި

ރައްޔިތުންގެ މަޖިލިހުގެ ހިތަދޫ އުތުރު ދާއިރާގެ ބައި އިލެކްޝަންގައި ޕީއެންސީގެ ޓިކެޓުގައި ވާދަކުރާނެ ކެންޑިޑޭޓަކު ކަނޑައެޅުމަށް ބާއްވާ ޕްރައިމަރީގެ ވޯޓުލުން މިއަދު ހެނދުނު ފަށައިފިއެވެ.

މި ޕްރައިމަރީގެ ވޯޓުލުން ކުރިއަށްދަނީ މިއަދު ހެނދުނު 9:00 އިން ހަވީރު 4:00 އަށެވެ.

މި ޕްރައިމަރީގެ ވޯޓުލުން މާލެ އާއި އައްޑޫ ސިޓީގައި ކުރިއަށްދާއިރު، ހިތަދޫ ދާއިރާއަށް ރަޖިސްޓްރީވެފައިވާ މެމްބަރުން ވޯޓުލުމަށް ހަމަޖެހިފައިވަނީ ހިތަދޫގައި ބަހައްޓާފައިވާ ވޯޓު ފޮއްޓަށެވެ. ހިތަދޫގައި ވޯޓު ފޮށި ބަހައްޓާފައިވަނީ ހިތަދޫ ސުކޫލު ގައެވެ.

މާލެ އާއި އެހެނިހެން ރަށްރަށުގައި ވޯޓްލުމަށް ރަޖިސްޓްރީ ވެފައިވާ އެ ދާއިރާގެ މެންބަރުން ވޯޓްލުމަށް ހަމަޖެހިފައިވަނީ މާލޭގައި ބަހައްޓާފައިވާ ވޯޓު ފޮއްޓަށެވެ. މާލޭގައި މި ފޮށި ބަހައްޓާފައިވަނީ ކަލާފާނު ސުކޫލު ގައެވެ.

މި ޕްރައިމަރީގައި ޖުމްލަ 727 މީހުންނަށް ވޯޓުލުމުގެ ހައްގު ލިބެއެވެ.