މީގެ ކުރިން ބޭއްވި ރައްޔިތުންގެ ބައްދަލުވުމެއްގެ ތެރެއިން -- ފޮޓޯ: ރައީސް އޮފީސް
SHARE
ރައީސް ޑރ. މުހައްމަދު މުއިއްޒު, ރައްޔިތުންނާ ބައްދަލުކުރައްވާ ސިލްސިލް ޕްރޮގްރާމްގެ ދަށުން ބާއްވާ ބައްދަލުވުންތައް އަންނަ ޖޫން މަހު އަލުން ފަށާނެ ކަމަށް ރައީސް މިއަދު ވިދާޅުވެއްޖެއެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ރައީސް ވިދާޅުވީ, ކުރިން ގެންދިޔަ ގޮތަށް ރައްޔިތުނާއެކު އަލުން ބައްދަލުވުންތައް ފަށާނެ ކަމަށެވެ.
އެގޮތުން މާލޭގެ އަވަށްތަކުގެ ބައްދަލުވުންތަކާއި ވަކިވަކި ދާއިރާތަކުގެ ބައްދަލުވުންތަކުގެ އިތުރުން ރަށްރަށުގެ ރައްޔިތުންނާ ބައްދަލުކުރަން ރައްޔިތުންގެ ގާތަށް ވަޑައިގަތުމަށް މަސައްކަތް ކުރައްވާނެ ކަމަށް ރައީސް ވިދާޅުވިއެވެ.
ވަގުތު ވާނަމަ ހަފްތާއަކު އެއް ފަހަރު ނުވަތަ ވީހާ ވެސް އަވަސްކޮށް ބައްދަލުވުންތައް ބާއްވާނެ ކަމަށް ރައީސް ވިދާޅުވިއެވެ.
