ކްރިމިނަލް ކޯޓުގެ އަމުރާ ހިލާފުވި ކަމަށް އަންގައި ނޫސްވެރިންގެ ބައްދަލުވުމުން ނެރެފި
ޢާއިޝަތު ނުޒުހާ
Processed with VSCO with a6 preset
SHARE
އޮންލައިން ނޫހަކުން ރައީސްގެ މައްޗަށް ގަޒްފުކޮށް ނެރެފައިވާ ޑޮކިއުމެންޓްރީގެ ވާހަކަ ނުދެއްކުމަށާއި އޭތި ދައުރު ނުކުރުމަށް އަންގާ ކްރިމިނަލް ކޯޓުން އިއްޔެ ނެރުނު އަމުރާ ހިލާފުވި ކަމަށް އަންގައި މިއަދު ބޭއްވި ނޫސްވެރިންގެ ބައްދަލުުވުމަށް ދިޔަ ނޫސްވެރިއަކު މާލަމުން ނެރެފިއެވެ.
ކްރިމިނަލް ކޯޓުގެ އަމުރުގައި ވަނީ އެ މައްސަލަ ކޯޓުގައި ހިނގަމުން އަންނާތީ އެ ކަމާ ގުޅޭ ވާހަކަ އެއްވެސް ރައްޔިތަކު ނުދެއްކުމަށް އަންގައިފައެވެ.
މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި އެ އަދަދު ނޫހުގެ ޝަހުޒާން ނޫސްވެރިޔާ ވަނީ ޑޮކިއުމެންޓްރީގެ ނަން ނުގެނެސް, ރައީސް އޮފީހުގައި މަސައްކަތް ކުރި މުވައްޒަފަކާ ރައީސް ނުވަގުތުތަކުގައި ގުޅާފައިވާ ކަމަށް ތުހުމަތުކޮށް އެކަމާ ސުވާލުކުރައްވައިފައެވެ.
އެކަމާ ގުޅިގެން ރައީސް ވަނީ އެ ތުހުމަތު ދޮގުކޮށް, އެއީ ކްރިމިނަލް ކޯޓުގެ އަމުރާ ހިލާފު ވާހަކައަކަށް ވާތީ އެ ވާހަކަ ރައީސް އޮފީހުގެ މާލަމުގައި އެ ގޮތަށް ނުދެއްކޭނެ ކަމަށް ވިދާޅުވެ, ބައްދަލުވުން ދޫކޮށް ދިއުމަށް އެދިވަޑައިގެންފައެވެ. ނޫސްވެރިޔާ ތަޅުމުން ނެރެފައިވަނީ އެމްއެންޑީއެފްގެ އޮފިސަރުންނެވެ.
