ލަންކާގެ ޖަލެއްގައި ހިނގި ހަމަނުޖެހުމެއްގައި ގައިދީންނާއި އޮފިސަރުން ހިމެނޭހެން 20 މީހަކު މަރުވެއްޖެ

ސްރީލަންކާގެ ޖަލެއްގައި ހިނގި ހަމަނުޖެހުންތަކުގައި 10 މީހުން މަރުވެ 100އަށްވުރެ ގިނަ މީހުން ޒަހަމްވެއްޖެ އެވެ.

އަލްޖަޒީރާއިން ރިޕޯޓުކުރި ގޮތުގައި މި ހަމަނުޖެހުން ހިނގާފައިވަނީ ލަންކާގެ ވެރިރަށް ކޮލޮމްބޯއާ 35 ކިލޯމީޓަރު ދުރުން ނެގޮމްބޯގަ އެވެ. އާދިއްތަ ދުވަހު ފެށި މި ހަމަނުޖެހުން ހޯމަ ދުވަހާ ހަމައަށް ކުރިއަށް ދިޔަ އެވެ.

ހޮސްޕިޓަލާއި ހަވާލާދީ އަލް ޖަޒީރާއިން ރިޕޯޓުކޮށްފައިވާގޮތުގައި 16 ގައިދީންނާއި 4 ޖަލު އޮފިސަރުން މި ހަމަނުޖެހުންތަކުގައި މަރުވެފައިވެ އެވެ.

މަރުވި މީހުންގެ އަދަދު އެއަށްވުރެ އިތުރުވެދާނެކަމަށް ލަފާކޮށްފައިވެ އެވެ. އަނިޔާ ލިބުނު ގައިދީންނާއި އޮފިސަރުންނަށް ހޮސްޕިޓަލުގައި އަންނަނީ ފަރުވާ ދެމުންނެވެ.

ހަމަނުޖެހުން ފެށުމަށް މެދުވެރިވި ސަބަބު އަދި ސާފުވެފައި ނުވާ ކަމަށް އަލްޖަޒީރާއިން ރިޕޯޓުކޮށްފައިވެ އެވެ.

ބައެއް ވީޑިޔޯ ފުޓޭޖުތަކުން ފެންނަގޮތުގައި ޖަލުގެ ގޭޓު ބޭރުގައި ގިނަ އަދަދެއްގެ ފުލުހުން ހަރަކާތްތެރިވާ މަންޒަރު ފެނެ އެވެ.